• 2009-11-30

    多谢你啊!!!!!

    版权声明:转载时请以超链接形式标明文章原始出处和作者信息及本声明
    http://www.blogbus.com/wingsoffantasia-logs/52638217.html

    Dear Cherry~~~

    今日早上本来都仲觉得好郁闷噶。。。因为呢排心情本来就好差~再加上我部德语王唔见左(直到截稿时:德国时间晚上8点16分都未稳翻~)。。。真系好down啊~虽然寻晚黑做左D统计学同会计噶练习~觉得有翻少少成就感。。

    我系课室度戴住耳机~低头睇书~听住手机里面噶歌~周围噶同学全部都有讲有笑~得我一个形单影只~突然间~竟然有个电话打入来~望一望~奇怪啦~“+00000”系咩电话来噶???唔会又好似国内咁有D呃钱噶电话挂??唔通系催我交电话费??~唔理啦~接左先啦~

    接左电话之后我无先打招呼~因为唔知道应该讲中文定德文~沉默左一阵~电话噶另一边传来左熟悉噶粤语“喂~”而且系熟悉噶声音~~系Cherry啊!!!!!!

    呢一刻~我真系觉得好激动~好耐无听到广东话~好耐无听到好朋友噶声音~真系好耐好耐~大家都只系系网上留言交流~但系无左声音嘎交流~永远都系争紧D野~

    呢个时候我唯一谂到噶话就系“Cherry~~我好挂住你啊~~~~~”真噶~呢句话绝对系真心话~我就好似同朋友失散左好耐~然后突然间稳翻对方甘~讲左好多次“我好挂住你”~激动到连把声都变埋~连眼都有D湿湿地噶感觉~(呢个人真系超级眼浅啊!!)

    互相问候之后我就急切甘讲起最近噶事~呢件事系我最想最想同朋友倾诉噶事~唔系用德文或者普通话~而系用粤语~同最熟悉最信任噶人用最熟悉噶语言交流~发泄下心里面噶委屈同难受~

    电话果边噶她静静甘听~不时讲两句~我讲得好激动~而且连我自己都觉得自己有D语无伦次~而我重复左好多次噶话就系“好辛苦啊”~~唉~sorry啊Cherry~其实我都想可以同你讲D开心噶事~不过。。。自己唔争气~遇到D事就一定要稳人讲先舒服。。希望无搞横你噶好心情啦~~

    讲左大概10分钟~终于讲完~发泄完啦~我噶心情即刻开朗翻~唔可以话从此咩都唔介意~但至少呢家我可以开心咁笑~

    真系好多谢你啊Cherry~多谢你噶电话~多谢你记挂住我呢个朋友~多谢你随时愿意倾听我噶事~无论好定坏~~真噶~如果你今日无打来~我可能又有一日心情唔好啦~~Danke,dass es dich gibt!

    分享到: